Posts
All Comments
မောင်ချောနွယ်ရဲ့
လူကြိုက်နည်းတဲ့ကောင်ကို
မင်းတို့ မဖတ်ဖြစ်ဘူးပဲ ဆိုဦးတော့
ခုတလော
ငါ့ကို လူကြိုက်များကောင်းများလာမယ်
ဒါကို
နှစ်ဆယ်ရာစုရဲ့
လူအကြိုက်အများဆုံးရောဂါ ဘဝဂ်တက်တဲ့ရောဂါလို့
မင်းကနာမည်တပ်ရင် ငါအကြောက်အကန်ငြင်းမယ်
စိတ်တွေက ပေါ့ပါလာမလိုနဲ့ လေးလံလာလိုက်တာ
အသံတွေက နီးမလိုနဲ့ ဝေးလာတယ်
အသံနောက် စိတ်မကပ်နိုင်သမျှ
သန္တာန်တလျှောက် အဟောသိကံ
ခုတလော
နမိတ်ကောင်းတွေနဲ့
ဘဝကတော့ စိတ်ထောင်းကိုယ်ကြေ..........
ကမ္ဘာကမီးလောင်
လူအချင်းချင်း ချနင်းနေချိန်
စိတ်တွေကလည်း မလွယ်ပေါက်ကကျဆင်းလို့
ဆန္ဒလမ်းနောက်
ငွေကြေးက မလျှောက်နိုင်ခဲ့...........
သမ္မာအာဇီဝ အမည်တပ်
ဆင်းရဲမွဲတေမှုကို တပ်မက်ရင်း
မိုးပျံတိုက်တွေပေါ်က အိပ်မက်တွေကို
ငုံ့ကြည့်တတ်လာရဲ့...........
စိတ်အခန့်မသင့်တိုင်း
ဖြစ်လာတဲ့ ကိလေသာလက်တသစ်
ခန္ဓာကျိုးအောင် တိုးလို့ ရစ်လေတိုင်း
နှစ်အစိတ်တိုင်အောင် နာဖျားမှုတွေ
ခြေဖဝါးအောက်က ဘဝင်ကို
လာလာဆောင့်တယ်...........
လူရာမဝင်ခဲ့တဲ့ လိုအပ်ချက်တွေနဲ့
ကိုယ့်ခြေရာကိုယ်မထင်တဲ့
ဖိနပ်တစ်ရံရဲ့ အတ္ထုပတ္တိ
စားတမ်းဖတ် ပဲမှားခဲ့သလား
တင်ပြပုံ ပဲမှားခဲ့လေသလား..........
အမေ့အတွက် ချစ်သူအတွက်
သိက္ခာအတွက် ကိုယ်ကျင့်တရားအတွက်
တကယ်တော့ အတ္တတစ်ခုချင်းစီကို
အလွှာလိုက် အရောင်ဆိုးလိုက်နဲ့..........
စိမ့်ထွက်လာတဲ့
ရော်ရင့်ကြမ်းတမ်းမှုတွေကို
ချွေးသိပ်ခံရင်း
ဖြတ်သန်းလာခဲ့တဲ့ ခေတ်အဆက်ဆက်
နောက်ကြောင်း ပြန်လှည့်ကြည့်လိုက်တော့
ကိုယ်ကိုယ်တိုင်မှန်ဖို့
သူတပါးကို မှားခဲ့တဲ့နေ့တွေ
ကြယ်တစ်ရာရှင်သန်ဖို့
လတစ်ရာကို ဖျားခဲ့တဲ့ညတွေ............
တစ်ခုခုကို လွမ်းနေတယ်
ဘာကိုမှန်းမသိဘူး
ဝတ်မှုံခံအာရုံ ပျိုးပျိုးမှာ
ငါ့ကိုလာနှိုးပါ
ငါ နေဝင်တာကိုကြည့်ချင်တယ်...........
နှစ်ကြိုးပြိုင်
လွန်းတင်ရစ်တဲ့ စောင်းမှာ
တစ်ကြိုးကို တစ်ကြိုးဆိုင်ဖို့
ကံကြမ္မာရဲ့လက်သဲထက်
လွန့်လူးလို့ ခတ်ပြရနဲ့..........
ဒါလိုနဲ့
အဝေးရောက် ဗီးနပ်စ်ရဲ့
ကမောက်ကမ နိုင်မှုကြောင့်
ရင်ခွင်တစ်ခြမ်းပဲ့တေးသွားတို့
ပြိုထွက်လာခဲ့.............
မောတယ် ဒီရေ ရယ်
ဝမ်းရေးကြောင့်
ခပ်သောက်ခဲ့ရသောပင်လယ်မှာ
စိတ်တစ်ချက်ပင့်တိုင်း
အလွမ်းက လက်တဆစ်တိုင်အောင်မြုပ်တယ်..........
မစိုက်ပဲပွင့်ခဲ့တဲ့ စံပယ်ဟာ
ငါ့ရဲ့ ခေတ်ကြိုးခေတ်ကြားက
မရှိုက်ပဲပြယ်သွားတဲ့ ရနံ့အကြောင်း
အားလုံးကြားအောင်
ပျိုးရစ်ခဲ့ပြန်တယ်..........
အနုပညာမြင်ရိုင်းနဲ့
ငါ ထင်ရာစိုင်းပြန်တော့လည်း
ထုဆစ်ခဲ့သမျှ ကျောက်စာတိုင်းမှာ
မင်းလက်ဖဝါးက သွေးခြည်ဥထက်ပိုပြီး
အရာမထင်ခဲ့ပြန်ဘူး...........
နောက်ဆုံး
ရမ္မက်တွေသိုသိပ် ခိုးလို့အိပ်ချိန်
ရင်ညွန့်ထက်က အကြောစိမ်းများ
ငါ့အိပ်မက်များကို
ရောလို့ယှက်လေတယ်.........
လွန်လေပြီးသော နေ့စွဲတစ်ခု
အမှတ်တမဲ့ပေမဲ့ အမှတ်တရနေရာ
နှစ်တစ်ရာပြည့်ရန် ငါးနှစ်အလို
မထူးဆန်းပေမဲ့ ထူးဆန်းနေသော ကဗျာ
လူသန်းပေါင်း ၅၀ ရဲ့လွတ်လပ်မှု
အမေကျော်၍ ဒွေးတော်လွမ်းခြင်း............
၁၉၁၅ ဖေဖော်ဝါရီ ၁၃
မကွေးတိုင်း နတ်မောက်မြို့
၂၀၁၀ - ၁၉၁၅ = ၉၅
ရာပြည့်သို့ ငါးနှစ်အလို
၁၉၄၈ ဇန်နဝါရီ ၁၄
မနက်ဖြန်ဆို ချစ်သူများနေ့ ရောက်ပြီ............
နှစ်သစ်ကူးညမှာ
ရာစုနှစ်အတွင်းက
ကြားနေကျ အသံလေး
လွင့်ပါးစွာနဲ့ တမ်းတခြင်းကိုရှတယ်
နှင်းတွေ …
နှစ်တွေ …
လွတ်လပ်တဲ့သီချင်းကိုညည်းနေတဲ့ လူတွေ …
(တစ်ကယ်က) လွတ်လပ်တဲ့ လေဟာနယ်ကိုယ်တိုင်က
လှောင်အိမ်ထဲမှာ …
နှစ်တွေ …
နှင်းတွေ …
နောက်..........
သေသွားတဲ့အိပ်မက်တွေ
အသက်နဲ့နီးသော သစ္စာတရား
အရာဝတ္ထုတွေရဲ့ သေးသိမ်မှုတွေ
ဝေးခဲ့တဲ့အသိမှာ လွမ်းနေတဲ့ကဗျာ
အားလုံးဟာ
ကမ္ဘာရဲ့ ဟိုဘက်အခြမ်းရော
ကမ္ဘာရဲ့ ဒီဘက်အခြမ်း မှာပါ
ကိုယ်နဲ့ မဆိုင်ရသလိုပဲ
တံခါးဟာ ကိုယ့်စကားနဲ့ အတူ ပိတ်သွား …
ကိုယ့်အမြင်အာရုံတွေကိုလည်း
တံခါးနဲ့အတူ ပိတ်မသွားဖို့
ရော်ရွက်တွေလို လေယူရာပါမသွားဖို့
ဟိုးရှေ့ရှေ့တုန်းက
နွေးနွေးထွေးထွေးအနမ်းလေးကိုပဲ
ဒိုင်ယာရီစာအုပ်အဟောင်းလေးထဲ
ပြန်ဖွင့်ဖတ်နေရ
နှစ်တွေ …
နှင်းတွေ …
နောက် …
အနမ်းတွေကတော့ မသစ်နိုင်တော့ပြီပဲ
မချိတင်ကဲပါပဲ ဒီဇင်ဘာ …
နင်ဟာငါ့အတွက်ကတော့
အဟောင်းထည်ပဲ
ဆောင်တွင်းမလေးရေ
အဖိုးအခမဲ့ ကြင်နာခြင်းတွေနဲ့
ဤခင်တန်းမှာ..........
အမြဲတမ်း စိမ်းလန်းရင်း
ဒီအချိန်ကို
ဒီအရိပ်အောက်မှာ
နောက်ထပ်လာထိုင်ဦးမယ်
ခုတော့
ငါပြန်ပြီ ဒီဇင်ဘာ…။ ။
ဒီလိုနဲ့
ပွဲတော်ညအလွန်ရှင်းတမ်း
တိတ်ဆိတ်မှု တစ်သောင်းအားနဲ့
ငါ့ကို မှောင်တစ်ဆောင်းကျစေခဲ့ပေါ့..........
ငါ့လည်း နင့်သစ်ပင်ဖြစ်ခဲ့တာပဲ
ခုတော့ ငါ့ရဲ့ကောက်သင်းကောက်အလွမ်း
နင့်အတွက် တစ်ဘာသာဆန်းနေပြီလား
လယ်သူမရေ..........
နှစ်သစ်ကို
ဆူးခက်လွမ်းနာတွေနဲ့ကြို
နင်ကတော့ အိပ်မက်ပျိုတွေနဲ့
ဘယ်ထိအောင် ခြေချင်းရှုပ်ဦးမှာလဲ..........
ဝေးနေတိုင်း နီးနေတဲ့စိတ်
အိပ်နေတိုင်း နိုးနေတဲ့မနောနဲ့
စောဝင်ခဲ့တဲ့ဆောင်းမှာ ငါဟာကျောဆန့်
မင်းကိုလွမ်းဖို့ မပျင်းရိပါဘူးကွယ်..........
ဘယ်သူမှ မသိခဲ့တဲ့ မှဲ့နက်တစ်လုံးပေါ့
(အဲဒီညက)နတ်ဆိုးတစ်ကောင်လိုခုန်ပေါက်
ရက်စက်ဂီတနဲ့
ငါ့ရင်ကိုခတ်သွားခဲ့တာ..........
မြေနိမ့်ရာကိုမှ လှံစိုက်
ဘဝကို ရှပ်တိုက်စီးသူတွေရဲ့ကြားထဲ
မြေကြီးတစ်ကောင်လိုကျင့်
ရင်ဘက်တွေကို ရဲရဲရွံ့ရွံ့ဆွဲဖွင့်ရင်း
အိပ်သွန်ဖာမှောက် ဖျားနာခဲ့တဲ့နေ့တွေ မနည်းပေါ့..........
တစ်ခါတစ်လေတော့
ဘေးကျပ်နံကျပ် နေ့ရက်တွေကို
ဆေးစာမဟုတ်တဲ့ ဆေးစာတွေနဲ့ကုမဲ့အစား
ကိုယ့်မျက်လုံးကို ပြန်ကိုက်
ဓါတ်ကြမ်း တိုက်ပြစ်ချင်တယ်..........
ကြားနေကျ သံယောဇဉ်တောလား
ဒီအချိန်မှာမှားချင်မှ မှားမယ်
မှန်ချင်မှလည်း မှန်မယ်
ဒါပေမဲ့ လူဆန်တတ်ခဲ့သူတစ်ယောက်ရဲ့
လူလားမြောက်တဲ့ဆုတောင်း
သူတို့ ဖြည့်ဆည်းပေးခဲ့ဖို့ကောင်းတယ်..........
ဝတ်နေကျ မုသားတစ်ရံရယ်
ဝတ်နေကျ ဖိနပ်တစ်ရံရယ်
ဝတ်နေကျ မုတတစ်ထည်ရယ်
ဝတ်နေကျ တီရှပ်တစ်ထည်ရယ်
ခုတော့ အားလုံးကိုခွာချ
သင်းကွဲစိတ်ကိုမှ ချုပ်လုပ်ဝတ်ဆင်
ကိုယ့်ကိုကိုယ် လုံခြုံပြီလို့ ထင်နေမိတယ်..........
နှောင်းလူတစ်ခေတ်
မကောင်းပြောရစ်ခဲ့ရင်တောင်
ရိုင်းတတ်လို့ ရိုင်းနေကြတဲ့လူတွေကို
ရိုင်းတယ်လို့ ပြောလောက်အောင်ထိ
ငါတို့ မရိုင်းခဲ့ဘူး..........
ဆောင်းတံစက်မြိတ်အောက်ကနွေ
ငါ့ကိုလက်ယက် ခေါ်တယ်
လောကဓံနဲ့ ပလူးပလဲနေရင်း
ကံကြမ္မာအနိုင်ကျင့်လည်း
အလွန်ဆုံး ဒီတစ်ဘဝပေါ့..........
ပုထုဇဉ်တစ်ယောက်ရဲ့ အထုပ္ပတ္တိ
အနှစ်ချုပ်ကြည့်ရင်
မီးသုံးမီးနဲ့ကင်းတဲ့စာမျက်နှာ ဘယ်ရှိလိမ့်မလဲ
ဗုံလုံတစ်လှည့် ငါးပျံတစ်လှည့်နဲ့
ဒီစက်ဝန်းထဲ ကျရာဇာတ်ရုပ်မှာ
ပျော်ပျော်ကြီး ခေါင်းရှုပ်တတ်နေပြီ..........
လွတ်မြောက်ရာ
လွတ်မြောက်ကြောင်းတော့ သိပါရဲ့
ဒါပေမယ့် ကိုယ်လည်း သူလိုကိုယ်လိုထဲက
သူလိုကိုယ်လို တစ်ယောက်ပေမို့
နောင်ဘဝ ကူးပါရစေဦး..........
© Blogger templates Sunset by Ourblogtemplates.com 2008
Back to TOP
